思捷（330）上月29號公佈季度收入下跌，同時宣佈CEO馬浩思從ZARA母公司Inditex搵來舊同事Rafael Pastor Espuch做思捷產品總裁，主席柯清輝同副主席隨後飛身入市，合共斥資2,380萬元掃入思捷股份，真金白銀高調撐隻股，唔通呢位仁兄真係有起死回生之力，令柯、鄭二人咁有信心持貨?
聯交所資料披露，柯清輝上月30號以每股13.75元，買入思捷100萬股，涉資1,375萬元，係佢舊年中臨危受命接任主席後首度買入思捷股票，佢舊年袍金223萬元，真係自己拎錢出來買㗎。
鄭明訓就分開兩日，分別喺30號同本周一，合共買入72.5萬股，作價介乎13.7至14.26元，共涉資1,005萬元。思捷呢幾日都緩步升緊，通常管理層增持對股價都有幫助，思捷就真係唔敢講嘞。
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange