店舖開張舞獅見得多，舞閃燈獅真係好少見!
渣打位於中環總行嘅數碼分行噚日正式開幕，為配合數碼分行呢種高科技形象，舞獅都有新意思，獅身裝晒LED燈，熄燈舞獅嗰陣，隻隻獅都由頭閃到落尾，舞動時幾迷幻。聽聞，請呢批閃獅演出，價錢比普通獅貴一成半㗎。
除咗閃獅助興，由於呢間係渣打集團（2888）首間數碼分行，所以好日唔來港見傳媒嘅渣打集團主席莊貝思同CEO冼博德都有出席，可見佢哋相當重視呢件事，亞洲區CEO白承睿亦有到。莊貝思同冼博德一年都未必見到一次，白承睿都係每逢業績記者會先至見人。
足本收睇《亂噏24》x鄭中基谷德昭；跟住有新紥師妹楊千嬅駕到！
周一至周五《亂噏24》約定你： http://bit.ly/appletalk24