沙田馬場「驚」現恐龍蹤影？梗係啦，因為馬會獨家贊助、康文署主辦，全港歷嚟最大規模嘅「巨龍傳奇」展覽，聽日正式開幕。馬會一位釘甲匠，利用咗接近一百隻廢棄嘅馬蹄鐵同舊金屬，造出一隻逾兩米高嘅恐龍藝術品，據講要六個男人先抬得起。原來呢件藝術品係馬會獸醫部釘甲房一年一度金屬鑄造比賽嘅勝出作品，製作人麥家偉話適逢有恐龍展，自己五歲嘅囝囝亦係恐龍迷，從中取得創作靈感。
馬會物色緊場地畀公眾親身接觸呢件藝術品；至於展覽由聽日開始至明年4月9日喺科學館舉行。除咗恐龍展品，巿民仲可以親手摸過億萬年嘅恐龍化石，亦可透過動畫返回恐龍時代。弱肉強食定律亙古不變，港人最明白。
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange