麥兜喺今個聖誕節會帶齊六個春田花花幼稚園嘅同學仔，首次殺入荃灣商場巡遊，同粉絲影相呀！荃新天地商場高級經理盧婉芬話，佢哋好支持本地創作，同香港人一樣好like麥嘜麥兜，所以今年佢哋同麥家碧合作，喺聖誕節將荃新天地商場變成春田花花遊樂園，麥家碧仲首次設計咗一個高4米、闊8米嘅巨型麥兜吹彈樂園，免費俾小朋友入去麥兜肚入面跳。
喺場內消費滿指定金額，更可以換領麥兜限量紀念品，例如磁貼同拉鏈袋，紀念品上嘅麥兜仲係第一次着聖誕服裝。八方噚日先睹為快，同一班春田花花同學仔影相，即時惹嚟旁邊唔少巿民好開心咁舉機，可見麥兜幾受歡迎。
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange