局長手痕，撰文要給年輕人提供希望。政府包辦打底，就像八達通，一嘟搞掂，入閘話咁易。
再來，政府提供一條龍，只要聽話，全包直升，等同拿了名校幼稚園入場券，人家坐過山車排九日隊，你下下優先取錄，十四年坐定粒六，一勞永逸。
大學爭崩頭，這時，政府給年輕人不僅提供學位希望，還有入職優惠，政助三年，已經可以按揭上樓，脫離蝸居，試問，天之驕子，社會棟樑，點會佔中。
希望工程，到此為止，埋單計數，所費無幾，提供所謂年輕人優化計劃，十年左右，已可修成正果。
後生可畏，最怕無上流希望，這是政府一貫的洗腦宣傳，局長配合，絕對不讓年輕人有絕望的真實感覺，真人騷，樣板戲，會做到似層層。提供希望，但溫馨提示，唔包夢想。年青人，一係艱辛自游行，一係做從來冇游過自由式的鹹魚。任你選，三揀二，周街Peter仔，會buy曾局長的鹹魚套餐嗎？