分析員𠵱家出報告都要玩花臣吸引眼球。瑞銀「星級分析員」梁裕昌（Spencer）睇開消費股，竟然出報告同大家玩估鞋。
Spencer噚日畀份報告客仔，開首擺咗三隻懶佬鞋，（左起）一隻屬於「鞋王」百麗（1880），售價678元（人仔．下同），一隻係名牌Tod's，一對價值3,900元，另一隻係淘寶返來嘅內地網購牌子「阿斯頓名爵」，連運費一對150元。
Spencer叫大家估吓邊對打邊對，遊戲玩完，佢其實係想解釋，網購威力有幾勁。
佢認為，當網上充斥住大量百幾蚊一對、質素又唔差嘅鞋，百麗嘅鞋會逐漸失去競爭力，於是建議客仔沽百麗，仲調低埋目標價。
Spencer近年喺行內出晒位，成名作係指利豐（494）會計入賬有弔詭嘅地方，觸發利豐罕有出通告反擊。
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange