謝婷婷與舊愛安志杰日前分別在Instagram上載了在家中的玩貓照，婷婷與貓咪Abby咀嘴，安志杰則與貓狗同看電影，由於相片中兩隻貓咪的毛色與背景都十分相似，二人復合同居傳聞越傳越盛。
昨晚婷婷到尖沙嘴出席行李箱Rimowa十周年慶祝活動，婷婷對復合一事說：「係唔同嘅貓，成日睇到新聞寫我哋食嘢同飲嘢都一樣，唔通咁就復合？可能住得耐，我哋每個月都會有一樣食物係相同。」不過見婷婷全程笑笑口回應，是否持開放態度？她說：「一步步嚟，我哋分咗手咁耐都可以做番朋友，睇到佢啲新聞都開心，知佢喺台灣。」安志杰則透過助手回應指兩隻貓不相同，是一場誤會，所以不作回應。
採訪：林嘉慈
攝影：陳志嵐
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com睇番足本網上版，除咗有專訪外，仲有好多時裝靚嘢睇！