【本報訊】「香港電視死定唔死，六個月內有決定！」香港電視主席王維基昨稱對港視能否獲發牌感絕望，不會不惜代價賠上「身家」爭取牌照，未來三至六個月會研究港視可否轉型，否則會結束港視。他重申無計劃收購亞視，惟預計會有人逼他接手亞視，「不過我都好寸，冇人逼到我」。他更自爆曾研究收購無綫，但有感難改變公司文化，最終作罷。
王維基昨出席樹仁大學講座，被學生多次問到港視未來動向。王以情侶拍拖比喻，指港視不獲發牌，猶如對方講分手，須盡快斬斷情絲，未來三至六個月會研究港視轉型的「Plan B、C、D」，若全部計劃不可行會結束港視。他未有說明轉型方向，但透露「可以諗網絡電視」，但指網絡電視須面對全球優質電視劇競爭，要做就必須改變製作方式。
預計會遭人強迫買亞視
王維基在講座多次表明未想過入主亞視為港視續命，不明白為何民建聯主席譚耀宗連續三天公開叫他收購亞視。他預計未來可能會收電話，或有人透過特殊渠道向他放話要他收購亞視，「不過我都好寸，冇人逼到我」。他更自爆08年擔任亞視行政總裁的「出位」言論是演戲，當年是「打工仔」，按老闆指示辦事。他又「寸爆」亞視質素低，「香港都未做好，就唔好叫亞視」。他揚言就算入主亞視，必定立即易名為香港電視，播放港視製作劇集，「好似買一張靚枱返去打爛會好浪費，至於一堆廢物就拎去再造啦！」不過他似放軟口風，指現時放話的是譚耀宗，而非亞視主要投資者王征，故無相關計劃。
另外，王維基稱曾研究收購無綫，但因個人性格「太反斗」，無綫規模大，又有固定觀眾群，有感難以改變無綫現狀而放棄。
魔童金句
談發牌
．
我輸咗九億可以搵番，但係你嘅將來係搵唔番。
．
我手上嘅文件係有Confidential印，但我從來冇簽過文件應承你保密，係你一廂情願。不過我係君子，唔似啲小人，你哋冇道德，唔代表我都要冇道德。
談梁振英
．
我從未同佢交過手，我都諗緊點解佢要針對我……可能佢一時諗錯嘢，我唔知佢係咪成日諗錯。
談無綫
．
我唔可以買無綫咩？我曾經深入研究買無綫，但我太反斗，佢規模大，又好成功serve到個別群組觀眾，要改變成功機構係好難。
資料來源︰節錄王維基出席樹仁講座內容
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange