畢業以來，每次生日聚會都變成朋友間的友情挑戰，當每日工作過後累得只剩下軀殼，冇時間去製造驚喜，只好用金錢換取創意，生日服務應運而生，美心搞網上蛋糕平台，生日蛋糕直接送抵公司，省卻蛋糕舖關門的風險，同樣冇上市的景樂集團旗下主題餐廳，每期都製造不同氣氛和驚喜給予壽星，部份餐廳更旺到要早一個月定位。
生日聚會這金礦，粵菜向來蝕底，因大多千篇一律，嚇走唔少後生仔女，但在創業板上市的喜尚（8179）的季季紅或者可以打破這個「老古板」的厄運。
前排喜尚將招牌菜蝦禾米乳香豬打造成「生日豬」，為豬仔戴上Q版眼鏡、帽子，仲送埋其他派對用具，搵埋獎門人曾志偉賣廣告，成功吸引身邊朋友點名一試。
喜尚老闆黃君武，由豬場轉戰豬肉檔，再開設酒家，最後仲上埋市，就知佢做生意時練出一身好武功，「生日豬」固然夠gimmick，今年策略主攻外賣，以減低堂食的成本，提高毛利率，舊年開始推出「乳豬券」拓展收入來源，股價個半月升逾一倍，但早前聯交所話，暫時不會對喜尚轉主板的申請審核，所以Samantha只敢食「生日豬」，現價追入恐防連豬都冇得食。
Samantha
本欄逢周一、三、五刊出
足本收睇《亂噏24》x 鄭中基谷德昭；跟住有新紥師妹楊千嬅駕到！
周一至周五《亂噏24》約定你： http://bit.ly/appletalk24