狼英喺免費電視牌照審批時大搬龍門，搞到王維基嬲爆。原來狼英有鋪搬嘢癮㗎，話說噚日狼英出席行政會議前，開錄音機重彈唔發牌畀港視原因，在場記者留意到現場佈局好似唔同咗，原來用嚟放咪嘅咪兜後移咗一大截，所以攝記影出嚟嘅相同往時唔同。平時唔少攝記鍾意喺咪兜旁嘅水平角度影埋去，但噚日移位後，呢個水平位被攔住，現場新聞官又講唔出理由，令攝記勁㷫。八方聽聞，狼英唔多想攝記由水平位影埋去，因為唔想發言貓紙「真迹」曝光，唔通佢口播帶而手寫粗口，所以貓紙都成禁品？
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange