肌肉男當道，何況球星冇番幾嚿「朱古力」傍身點得㗎？繼皇家馬德里球星基斯坦奴朗拿度（C朗）上周化身「底褲巨人」，張晒肌巨型海報高掛馬德里市政廳後，人氣急升嘅巴塞隆拿新星尼馬，都不讓C朗專美，喺Instagram放上最新內褲廣告造型照（圖），似乎想向死敵皇馬嘅首席射手示威。
向來骨瘦如柴嘅尼馬，早前被報道患有輕微貧血，有失霸氣之餘，仲有網民笑巴塞「伏已中」，非常失威。不過士別三日，發現尼馬脫剩底橫後，雖然未至於《激戰》中嘅型男彭于晏咁爆肌，但一排「吉百利」加人魚線盡現，難怪呢位巴西人拍攝期間風騷賣萌，自信爆燈。
不過，比較起二人嘅內褲硬照，森巴新星始終未及經驗老到嘅葡萄牙隊長，已經唔係身材嘅問題；爆晒肌唔一定有男神格，而係尼馬擺pose太old school，表情又浮誇。
有肌肉唔係大晒，可能尼馬真係唔係我杯茶。
文:呂晨
以女性角度看球星新聞，唔用眉筆用原子筆寫低球壇百態！
足本收睇《亂噏24》x 鄭中基谷德昭；跟住有新紥師妹楊千嬅駕到！
周一至周五《亂噏24》約定你： http://bit.ly/appletalk24