聯交所前主席鄭維健嘅三弟鄭維強認真巴閉，噚日被新加坡主權基金淡馬錫委任為董事會副主席。
永泰集團鄭氏一門五傑，大哥鄭維健在港政經界紅極一時，近年轉趨低調；排第四嘅鄭維新現任教資會主席，亦為人熟識。62歲嘅鄭維強排第三，主要喺新加坡發展，係當地地產及零售商永泰話事人，又被稱為新加坡公職王。
鄭維強早於2011年成為淡馬錫非執董，亦係執行委員會成員，做埋副主席絕對係身份嘅象徵。淡馬錫主席今年8月亦換人，由做過政府內閣官員嘅林文興接棒。
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange