博士蛙（1698）舊年初因賬目受質疑，停牌至今，公司耐不耐出通告更新發展，噚日自爆上海總部設於上海自貿區，仲話有好多人想搵佢合作。好可惜，博士蛙依然係隻「停賽蛙」，有消息都冇得炒。
真係唔講都冇人知，博士蛙原來係自貿區概念股，上海總部一早設於自貿區，仲係「源遠流長」嗰種，上海早排話成立自貿區，即刻引來多方人士同公司接洽，搵商業合作機遇咁話，但係公司冇講明有乜好搞，淨係話乜嘢機會都會研究。
股份長期停牌
換轉第二間上市公司，自爆有自貿區概念，股價點都有啲反應，可惜博士蛙停賽中，自爆有乜炒賣概念都冇用，管理層都係畀心機搞復牌最實際。
足本收睇《亂噏24》x 鄭中基谷德昭；跟住有新紥師妹楊千嬅駕到！
周一至周五《亂噏24》約定你： http://bit.ly/appletalk24