香港電視網絡發牌風波，大眾未有因一男子梁振英的六頁紙解畫釋疑，反令人更覺得政府有所隱瞞。有政界及官場中人指，不論是梁振英處理其僭建風波、還是發展局局長陳茂波回應囤地醜聞，除了「拖字訣」，另一「秘技」是「大話冚大話」，但梁今次卻打錯算盤，未想到王維基如此不賣賬，拒向其「大話」屈服。
有政界中人直言，由梁僭建風波開始，梁及梁粉不斷遭傳媒踢爆「講大話」，但每次總有涉事友好、梁粉、甚至政府為其「大話」打圓場，例如當日他是否早知山頂大宅在買入時已有僭建、是否在入伙時已找專業人士驗樓，便有身為專業人士的梁粉，甚至上手業主出面為他「澄清」，令其「大話」滴水不漏，就算有疑點亦「咬佢唔入」，全因梁是特首，「普通專業人士、有錢佬點敢同佢過唔去」。
特首一樣冇面畀
但梁今次對手卻是王維基，此人出名「冇面畀」，有官場中人笑言，政府內一些認識王維基的人早料王「唔會咁順攤」，「梁振英以為佢係特首，王維基冇得同佢鬥，結果咪出事」。更大問題是梁「大話精」形象「深入民心」，更有官員稱連自己親朋戚友亦覺梁「信唔過」，質問為何不發牌給港視。難怪有立會議員對季陶說，政府官員、建制派議員要想一想，若他們連親人、朋友也無法說服，怎能說服市民不向港視發牌是合情合理？
季陶
足本收睇《亂噏24》x鄭中基谷德昭；跟住有新紥師妹楊千嬅駕到！
周一至周五《亂噏24》約定你： http://bit.ly/appletalk24