鍾嘉欣昨日在中環出席珠寶店活動，即場佩戴價值500萬黑白珍珠頸鏈。嘉欣近期一改形象，衣着較以往性感，她說：「都唔係好性感，不過今年希望可以喺衣着方面，着得比較有型同時尚，以前可能比較隨性。」可有性感底線？她說：「唔會太性感，太性感唔啱我，最緊要效果靚。」
無綫台慶及頒獎禮舉行在即，嘉欣坦言未找珠寶贊助，戰衣就已找人設計，她說：「我有fans話以往咁多年視后都係着黑色，所以都會考慮吓，但我會平常心。」男友可送過鑽飾，她說：「冇呀，都唔敢送，最重要睇心意，價錢同物品唔重要。」
採訪：王崇穎
攝影：陳慧安
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange