「濠賭股」路易十三（577）老闆洪永時（Stephen）一向作潮人打扮，同得佢合作嘅人都要有啲風格。佢最近就搵咗打扮型爆嘅著名建築設計師Peter Marino幫佢起賭場。佢呢身造型係咪有幾分似電玩遊戲「街霸」嘅赤目司令呢？
鍾意成身皮褸、皮褲，帶埋司令帽嘅Marino，驟眼睇一啲都唔似建築設計師，但佢除咗拎過好多建築設計大獎外，LV、CHANEL同Dior等國際品牌都搵過佢幫手設計旗艦店，CHANEL喺中環太子大廈嘅旗艦店就係出自佢手筆。
Stephen搵得佢幫手當然好有期望，講明希望Marino為路易十三打造一個華美、永恒，仲要完美體現頂級豪華概念嘅地標型建築。
足本收睇《亂噏24》x 鄭中基谷德昭；跟住有新紥師妹楊千嬅駕到！
周一至周五《亂噏24》約定你： http://bit.ly/appletalk24