無官一身輕嘅唐英年（圖），近排回答記者提問，答案都零舍醒神過人。噚日狼振英發表六頁紙解釋唔發牌原因嘅時候，唐唐就一個人單拖喺中環置地廣場門口行過，八方同事當然上前追問佢點睇狼振英又要出嚟解畫先，唐唐只係陰陰嘴笑話：「睇咗報告至講。」然後佢就行過去太子大廈，搵唐太同紅酒以外嘅「至愛」──COVA咖啡。查實佢臨入電梯時，同事亦有再問多佢一句，支唔支持發多個牌畀魔童？唐唐笑而不答就入咗電梯咯。
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange