隔牆有耳:「左膠」聯署新民盟籠裏雞作反 - 李八方

隔牆有耳:「左膠」聯署
新民盟籠裏雞作反 - 李八方

范國威、譚凱邦、Miss Mo等「右膠」早前搞咗個「源頭減人」聯署,被指歧視新移民,搞到泛民「左膠」近日再搞另一個聯署,講明唔認同任何排外言行,強調社會應該包容。勢估唔到,呢個「左膠」聯署,竟然連新民主同盟都有人響應喎。八方聽聞,新民盟嘅成員丘文俊同容溟舟都有加入聯署。唔通籠裏雞作反,有人想背叛咖喱范?
八方問過丘文俊,佢話都唔知香港本土另搞一份聯署,搞到佢𠵱家都有啲尷尬。阿丘話佢覺得泛民嗰份聯署包容性強啲,可以免卻一啲爭拗,唔怕俾人話係歧視新移民,加上佢自己都係新移民,覺得無論係泛民定香港本土兩份聲明,都係出於好意。最重要係大家對手係共產黨,唔係自己友囉。

足本收睇《亂噏24》x 鄭中基谷德昭;跟住有新紥師妹楊千嬅駕到!
周一至周五《亂噏24》約定你: http://bit.ly/appletalk24