香港人睇電視大過天，「一男子」CY同成個行政會議，近排因為免費電視發牌單嘢俾全城鬧爆，不過已經冇撈行會嘅林奮強就好有義氣，噚日繼續撐呢個決定唔係壞事，仲話行會冇壞人，唔會特登唔畀香港人睇電視喎。
林奮強話，佢覺得今次只發兩個牌應該係技術性問題，唔係乜壞事。佢話「唔覺得行會有乜嘢壞心腸嘅人」，唔會特登令市民睇電視少咗選擇，同埋阻礙創意工業發展，而且相對扶貧同房屋呢啲大議題，電視發牌唔算大事喎。以奮強對當今民情嘅掌握，八方興幸佢好彩走得快。不過，佢都同意行會要出嚟解吓話平息民憤，叫市民耐心畀多啲時間，相信就可以解釋番今次決定喎。
足本收睇《亂噏24》x 鄭中基谷德昭；跟住有新紥師妹楊千嬅駕到！
周一至周五《亂噏24》約定你： http://bit.ly/appletalk24