場上場下都似金蘭姐妹嘅李慧詩同黃蘊瑤，齊齊喺周日曼徹斯特第一站世界盃場地單車賽大放異彩，慧詩攞完爭先賽銀牌後，雖然喺凱林賽得梗頸四，但教練沈金康賽後大讚佢輸得光彩：「今仗李慧詩嘅對手都係強手，但佢仍然可以好主動咁施展自己嘅戰術，冇畏懼，冇氣餒，向住世界頂峯進發，係佢備戰2016奧運必經之路。」
至於噚日啱啱27歲生日嘅黃蘊瑤，2010年廣州亞運女子記分賽，曾強忍中途跌斷肋骨仍奮力奪銀的「香港精神」紅極一時，佢前日喺同一個比賽項目奪得世界盃銅牌，係對佢一直堅持練習（因這項目已被擯出奧運大門）嘅一個回報，恭喜恭喜。
足本收睇《亂噏24》x 鄭中基谷德昭；跟住有新紥師妹楊千嬅駕到！
周一至周五《亂噏24》約定你： http://bit.ly/appletalk24