立法會明日就會傾吓係咪引用權力及特權法查港視發牌問題，曾經被滅聲嘅D100老闆鄭大班最近動員聽眾一人一信傳真畀立法會議員，要求佢哋要「還香港一個真相」，支持通過引用特權法。大班有咁多聽眾，搞到立法會部fax機好唔得閒。本來呢，有幾多人send信過去，立法會秘書處應該要印番足幾多份信件畀啲議員，等佢哋feel到民意嘅壓力。之但係，今次立法會見咁多信都一式一樣，就印一份算數。
大班話佢做議員時並唔係咁安排，質疑立法會有人「偷懶」，分明想偏幫保皇黨。立法會就呼冤話， 主席同秘書處截至噚日五點半，共接獲1,936封相關電郵、傳真，主席落咗柯打，會將意見書「主要樣本」送交議員參閱，今次咁做並唔係開咗乜嘢先例。
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange