（哀）星期日舉行咗英超史上首場威爾斯打吡，最後卡迪夫城靠哥爾卡喺62分鐘建功，主場小勝史雲斯1:0。史雲斯呢場真係最傷，輸波不突止，前鋒米捷足踝受傷，將會錯過嚟緊兩場比賽，分別歐霸對古賓同埋聯賽對史篤城。此外，正選門將禾姆（左）喺補時侵犯單刀埋門嘅費沙甘保，被罰紅牌離場，嚟緊又要停賽。仲未止呀！鏡頭影到中場舒維爾賽後挑釁卡城球迷，有可能被英足總秋後算賬。另一邊廂，雖然卡城贏波，但都有球迷抗議班主陳志遠，不滿佢將球隊主色轉做紅色。
足本收睇《亂噏24》x 鄭中基谷德昭；跟住有新紥師妹楊千嬅駕到！
周一至周五《亂噏24》約定你： http://bit.ly/appletalk24