喺香港想做天生孤星，除咗加入最惹火嘅689團隊，另一個快捷方法可能係搞本土運動，公民黨Miss Mo噚日總結過去一年嘅工作時，講番起佢同新民主同盟范國威喺選舉時已提出抗拒赤化口號，經過一年努力成功帶到個議題入議會，算係欣慰。
不過如果大家唔善忘，應該仲記得半年前Miss Mo公開俾仔飛，仔者，陳雲也，為悼念六四，陳雲狂鬧佢同咖喱范自我閹割；早排廣告入面一句「源頭減人」，又辣着關注中港家庭權利聯席孔令瑜，孔令瑜仲激動到下戰書，Miss Mo嬲到爆炸，雙姝之前仲喺電台上對罵，毛姨姨噚日啖氣仲未下，話孔令瑜根本唔使咁挑機法，佢話因為到𠵱家都未得到孔令瑜回應，所以大家仲未friend番。
足本收睇《亂噏24》x 鄭中基谷德昭；跟住有新紥師妹楊千嬅駕到！
周一至周五《亂噏24》約定你： http://bit.ly/appletalk24