成日聽到啲姊妹呻，話香港女仔好蝕底，因為講嗲唔及台灣妹，講kawaii又唔及日本妹，講到身材，就更加唔及祖國嘅河山咁壯麗。不過，人貴自知，只要對症下藥，加上識攻心計，成功指日可待；而歐洲球壇嘅最佳人辦，就係法比加斯嘅女友丹莉娜（右）。
38歲嘅丹莉娜足足大法比加斯12年，而且同法比仔一齊前就已育有一子一女，不過只要識耍手段，要上位話咁易。丹莉娜首先同富商泰杜克結婚，成為闊太後就搭上花𡃁法比加斯，之後索性同泰杜克離婚，投向法比仔嘅懷抱。成為法比加斯另一半後，丹莉娜亦好苦心經營丈夫嘅「事業」，只揀同美斯嘅25歲女友安東莉娜（左）friend，成日以大姐姐嘅身份照顧佢，又唔怕肉麻咁喺社交網頁post佢同安東莉娜嘅合照，並大字標題安東莉娜係佢嘅好友。
隨住安東妮娜同美斯喺舊年10月生咗囝囝堤亞高，而丹莉娜與法比加斯嘅愛女亦喺今年4月出世之後，丹莉娜更加多幾錢肉緊，兩家人一齊度假不突止，仲擺明想對親家。文：吾中
足本收睇《亂噏24》x 鄭中基谷德昭；跟住有新紥師妹楊千嬅駕到！
周一至周五《亂噏24》約定你： http://bit.ly/appletalk24