若要數內地第一代IT紅人，一定係聯想（992）創辦人柳傳志，現今內地最火紅嘅IT代表，就非騰訊（700）馬化騰同阿里巴巴馬雲莫屬，「雙馬」嘅厲害，就連柳總都要借鏡。
柳總近日提到騰訊旗下微信，話俾馬化騰一做，就煲起成個市場。雖然柳總冇話要推出個新App同微信鬥過，但佢就預告，聯想未來可能進軍小額貸款市場，同埋對銀行業好有興趣咁話。佢應該係見到阿里旗下小微金服生意越做越大，覺得大有可為先至開口話要做互聯網金融。
柳總話要做嘅，唔係傳統銀行業，而係近年越來越多人搞嘅互聯網金融。的確，至今只有馬雲公開講要挑戰傳統銀行，家陣加埋柳總呢位中國第一代IT紅人都話要做互聯網金融，傳統銀行嘅老總都咪話唔腳震！
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange