人稱陸叔嘅股評人陳永陸差唔多日日喺電台同散戶分析股票同股市走勢，噚日佢出席一個評選好股嘅活動時好坦白咁講，投資者最有興趣係聽當日股價升幅最勁嘅嗰隻股份，問佢客觀分析，其實佢都唔識睇。
佢話，呢類神仙股主要受消息刺激，一年後股價多數走樣。要投資好公司，最終咪又係阿媽係女人嗰句，即係好公司未必能夠一朝令人發達，股價亦未必大升特升，但係長期投資會有好回報。
其實好多散戶打電話上電台或電視台問股評人意見，多數係想有人認同佢哋，好似成日聽見一啲坐艇散戶，問股評人點算好，對方見佢坐咗咁耐，通常都叫佢再坐一會，認同佢就算。
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange