（樂）阿仙奴上周六喺英超大戰擊敗利物浦，之後馬上又有另一場硬仗，周三歐聯作客出戰多蒙特。贏波功臣之一奧斯爾，喺周六嗰晚心情靚靚同女友文迪蒲吧，到周日仲將張相（圖）上載到社交網，話竟然冇人認得佢；不過有黑心網友就留言，話倫敦有好多個泰利，小心女友畀人勾咗呀。至於喺贏紅軍場波因傷缺陣嘅韋舒亞，據講都係趕唔切喺周三候命。
多蒙特方面，喺兩星期前絕殺阿仙奴嘅前鋒羅拔利雲度夫斯基，由於佢同球會嘅合約到季尾就屆滿，而佢亦決心走人，據講球會為免人財兩失，打算喺1月將佢掛牌，價錢低至850萬歐元就可買走佢（圖）。
足本收睇《亂噏24》x 鄭中基谷德昭；跟住有新紥師妹楊千嬅駕到！
周一至周五《亂噏24》約定你： http://bit.ly/appletalk24