張達明同曹永廉噚日喺電視城為無綫嘅《萬里尋爸》錄影，精神唔錯嘅達明𠵱家暫時接簡單工作，會做一部電影編劇同導演，達明話監製對佢好好，唔只畀咗首期，時間亦都可以遷就佢。達明好開心咁話11歲嘅大仔最近選香港小特首，仲入咗決賽階段：「希望為我哋爭光。」講番《萬》呢個節目，阿廉話試過同仔女分開個幾月，達明透露同子女分開半年，當然掛心啦，所以佢冇打算將子女送去外國讀書。
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com睇番足本網上版，除咗有專訪外，仲有好多時裝靚嘢睇！