上期由喜劇孖寶鄭中基和谷德昭輪流放笑彈，今期輪到喜劇天后楊千嬅接力。《亂噏24》由今日至本周五每日播出兩集，讀者可於《蘋果動新聞》網頁觀看，亦可在 http://bit.ly/appletalk24重溫，足本版則於周四晚上11時播出。
身為鄭中基舊愛的千嬅，雖然是烈女一名，但感情生活都算循規蹈矩，她說：「我冇膽做箒，都有諗吓嘅以前！」但自從認識丁子高後，認定他是Mr. Right，千嬅笑說：「都唔好嘥時間嘞，直接啲啦呢個年代，唔好蹉跎，啱就啱，唔啱就唔好嘥時間。」
第一次不浪漫
千嬅認識丁生的情節，儼如現實版《志明與春嬌》，在朋友派對上認識，到互發手機短訊，再走在一起。但兩人第一次相遇絕不浪漫，千嬅說：「佢係咁唱歌，我話你真係好鍾意唱歌喎，佢話係呀我以前做歌手（編按：VRF）。跟住佢講自己歷史，一講講到五點，啲人已經走晒，我話喂都有啲攰不如走啦！」
不過，丁子高追女絕對有一手，跟蔡瀾一樣，走謙謙君子路線，千嬅說：「我先生message我嘅內容，唔係叫我去蒲，佢話我晏晝同媽咪食完飯，準備去打羽毛球。」她當時甚至懷疑丁子高按錯掣，後來才知是老公的詭計，原來是特意給她知道其日常生活及人品。肥佬黎笑說：「呢條友都唔係少嘢喎！」
撰文：馮國康
足本收睇《亂噏24》x 鄭中基谷德昭；跟住有新紥師妹楊千嬅駕到！
周一至周五《亂噏24》約定你： http://bit.ly/appletalk24