鄭少秋、江華、麥潔文、黎瑞恩及何傲兒等，前晚到九展出席大名娛樂25周年晚宴，老闆林建名當然有出席，何傲兒則一身高衩裙搶鏡。秋官被問到女兒欣宜翻脹，他指從加拿大登台返港後暫未聯絡到她，女兒是否掛住拍拖？秋官衝口而出：「佢拍拖好開心，大家有WhatsApp。」即欣宜已告知爹哋有戀情？秋官封口道：「咪住，佢有冇認先？佢冇認我唔可以亂講。」再問欣宜有否帶新男友給秋官過目，他又不覺意踢爆：「今次冇，上次有，我話約食飯佢話唔得閒，掛住拍拖啩。」
對於無綫改善拍劇制度，秋官指是好事，原來當日拍《心戰》時已改善，有更多休息時間，會否再為無綫拍劇？他說：「冇搵呀，可以傾冇問題。」李思欣和范振鋒夫妻檔任司儀，談到無綫改善制度，李思欣說：「之前拍劇有飛紙仔，我又住得遠，一星期有三、四日喺公司化妝間用啲凳拍埋瞓，算係非人生活。」
欣宜自稱怕醜
欣宜昨到沙田出席活動，問是否有新歡？她大反應說：「冇呀，係咪大家誤會咗《知錯》ＭＶ？ＭＶ搵咗澳洲混血男模Adam做男主角，有親熱戲搞到我面紅標冷汗。」有否下文？欣宜稱沒有，只交換Instagram戶口。欣宜鍾情老外？她笑說：「唔係，只係嗰個。」她續說：「我好似好open，但其實我好斯文又怕醜。」同場的戴夢夢鼻子忽然變高變巫婆鼻，但她否認整容：「一直都係咁高，冇整過。」
採訪：魯萍、黃曉妍
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange