【記者陳雪玲報道】上周日，民協林健文在油尖旺京士柏補選，大比數打敗建制派候選人鄧浩斌，摘下2011年以兩票之差失落的議席。復仇成功，逾一年來因提選舉呈請的壓力終於一掃而空，林健文最欣慰卻是結果證明，「喺公平選舉之下，我真係會贏」。他更打破泛民近年區會補選必敗的魔咒，為自己甚至泛民一雪恥。
過去三年的區議會四次補選，泛民全數敗陣，對上一次打敗建制對手已是2010年南區區議會薄扶林選區補選。林健文今次不單勝出，更較主要對手鄧浩斌得票多近一倍，他形容喜出望外：「佢哋（另外三個候選人）加埋都唔夠我嘅票數，有少少詫異，因為補選泛民一向係輸嘅。」
長年地區工作「揼石仔」
賽後檢討，林歸結四大致勝因素。上次敗選兼爆出種票風波，街坊不離不棄兼送上「同情票」；敗選後繼續留守、長年地區工作「揼石仔」，加上泛民團結，港視不獲發牌又令市民對建制不滿，促使他「贏成條街」。已勝出的他風騷笑言：「行會兩個成員葉劉（淑儀）同李慧琼大力支持我對手鄧浩斌，加埋其他建制派重量級議員……係有少少幫倒忙。」
林健文2011年以兩票敗選後，該區爆出多宗種票個案；翌年1月他提出選舉呈請，指當選的梁偉權在未獲支持者同意下，違規在宣傳品列出多名團體及支持者名字，有誤導選民之嫌，高院終在今年3月裁定選舉結果無效。
提選舉呈請壓力之大，不足為外人道；涉及的龐大訟費，足夠教人卻步，更重要是：「好多人……對手都話你冇君子風度，輸兩票就輸打贏要。」林健文堅持討回公道，終於守得雲開見月明，他坦言有復仇成功之感，自信道：「（至少）證明畀大家睇，喺公平選舉之下，我真係會贏。」
油尖旺區議會新一屆原只「輸剩」民主黨涂謹申一個泛民議員，林的勝出不單對泛民是喜訊、對民協更是「零的突破」，他嘆謂：「我哋（民協）總部喺油尖旺區；如果冇一個當區議員係一個笑話。」他希望2015年，民協以至泛民能搶佔更多議席。