（喜）皇家馬德里喺上周六西甲聯賽作客華歷簡奴以3:2險勝，繼續正選上陣嘅加里夫巴利（前）依然有好表現，雖然冇波入但貢獻兩次助攻。基斯坦奴朗拿度（C朗、後）就繼續入球停不了，喺呢場波梅開二度，喺今季代表皇馬踢咗15場波就已經入咗20球，表現前所未有咁勁。佢嘅頭號競敵美斯喺2012年打破單一年累積入球紀錄，C朗喺今年要破呢個紀錄雖然就唔容易，但佢喺2013年至今已經入咗58球，領先緊美斯成15球之多，照睇都可以喺今年威番次。
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange