嗯…口裏說不，身體卻很誠實。雖然阿仙奴球星奧斯爾早前發出「我不愛唱歌」宣言，季初喺兵工廠嘅迎新派對上高歌一曲之後，言之鑿鑿下不為例。可能因為欠缺好歌喉，「大眼仔」似乎特別迷戀「好聲音」，因為奧斯爾嘅前度同現任女友都係女歌手！
唔知眼大特別旺桃花、抑或球星本身魅力沒法擋，德國國腳嘅感情世界多姿多采，2009年曾與比自己年長7年、德國女歌手Sarah Connor嘅妹妹安娜相戀，唱歌好唔好聽就唔知，不過呢位美女亦曾為WAGS帶來過新血。奧斯爾亦戀上過年長5年嘅土耳其歌手波拉特，可惜呢段異地戀維繫不久就告終。最近奧斯爾更一改「熟女」口味，與23歲德國女歌手文迪拍拖，後者為咗維繫感情，更搬到倫敦𥄫實男友。
日前呢位「助攻王」拋開身份、不顧安危，在馬路中心呼喚愛，化身「龍友」幫女友影相，仲肉緊到蹲低為女友搵最好角度。不過低調嘅「大眼仔」可能平日少自拍放上網，竟然蹲低「低炒」女友（下圖），真可愛。
文:呂晨
以女性角度看球星新聞，唔用眉筆用原子筆寫低球壇百態！
足本收睇《亂噏24》x 鄭中基谷德昭；跟住有新紥師妹楊千嬅駕到！
周一至周五《亂噏24》約定你： http://bit.ly/appletalk24