港視不獲政府發牌，前途不明朗，幸旗下藝人黃美棋、姜文杰和姜麗文頻頻有工作，大前晚獲遊戲商PlayStation邀請參加「PS4黑夜行動」，大會安排了共260名香港機迷在機場博覽館外空地拼成「最大型人造遊戲控制器」，眾人由入場到排位只花了1小時8分鐘，成功挑戰健力士世界紀錄，美棋BB、姜文杰和姜麗文等都有份參與，與機迷排排企。
美棋BB獲安排參演的港視劇雖停拍，但她出席活動賺外快機會不減，稍後又獲邀電影《高登闊少踎監日記》做女主角，美棋BB昨日在電話中說：「今次活動好開心，我同姜文杰同姜麗文又同經理人，大家有傾有講，一齊參與破紀錄。」美棋BB表示平日愛打機，她說：「喺外國讀書有揸車，但返嚟香港路太窄，我得閒就打賽車game追求刺激。」
採訪：葉雪
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange