曼聯前晚喺英超作客贏富咸3:1，聯賽兩連勝，同榜首阿仙奴繼續保持8分距離。尹佩斯同朗尼喺3分鐘內入兩粒，絕對係功臣，所以領隊莫耶斯（圖）賽後亦大讚尹佩斯同朗尼係英格蘭最強嘅前鋒組合。另外，由於拉菲爾達施華、莊尼伊雲斯同湯卡華利都喺上半場受傷，令莫耶斯要喺半場休息後一次過作3個調動，換入基斯史摩寧、費蘭尼同埋香川真司，但佢賽後話咁做冇對球隊造成影響，明讚自己。至於呢3個傷兵，應該得湯卡可以趕得切喺禮拜二作客皇蘇場歐聯復出。
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange