佘詩曼、梁靖琪及陳明恩等藝人，昨日在旺角出席福幼慈善基金活動。對於無綫推出2014年月曆，但被網民狠評粗製濫造，阿佘維護說：「各花入各眼，第一次用3D效果，想有新鮮感畀觀眾，亦想豐富畫面。」阿佘預告今年會出席無綫台慶，但有網民發起本月19日無綫台慶晚熄電視行動，阿佘驚訝地說：「又熄咩？唔好啩，我兩年冇返台慶喇，唔好熄電視啦！TVB有佢自己fans，台慶咁大節目應該有人支持。」問她會否號召fans反熄電視行動？阿佘說：「我唔會逼任何人做任何事。」
此外，Toby梁靖琪撐枴杖到場，原來她拍無綫新劇一場打泰拳戲出意外：「角色講我係跆拳道高手，場打戲講我起腳，自己想踢高啲，但一起腳就失重心撻落地拗柴，左腳眼韌帶撕裂，要休養一個月，暫時跳拍文戲先。」
採訪：魯萍
攝影：仇志德
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange