【極度浪費】
昂坪360在巿集開設的「香港有愛」禮品店，早前被指以送免費相作招徠，令遊客墮入硬銷圈套後；記者近日再到現場視察，發現「濫拍」情況有所改善，但每日仍有大量廢相被丟掉，部份相片經碎紙機處理，但仍有一些是完好的相片，而且還有部份未用完的卷裝相紙，最後都被送往堆填區。
「跑唔到數冇佣金」
該店一名前員工向本報提供該店每日和每月的相片打印紀錄，當中顯示去年每月平均打印出約七萬張相，賣出的僅有約1.5萬張，被棄掉的就有約5.5萬張；若按年推算，每年最少製造66萬張廢棄張相。
該員工無奈的說：「大家都搏命向遊客推銷，因為跑唔到數就冇佣金。（我哋）人工好低得大約8,500蚊，連OT（加班）一日做足12個鐘，每日跑夠數的話，每月多二千幾蚊，所以我哋會盡量影相用嚟sell客。」但員工每天都眼見大量相紙掉進垃圾桶。
地球之友項目主任馮詩麗批評，昂坪360做法不夠環保：「佢哋想打造一個環保嘅景點，唔係單純話唔用膠袋就好環保，而要喺不同部份加入環保元素，如果唔係，只係齋講環保！」她不滿該店「濫拍」手法，若每個被拍照遊客的相片都打印出來，會製造很多廢物。由於相紙表面有一層膠膜，以現行的技術根本不能當一般紙張回收，最終只能送往堆填區。
《蘋果》記者
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange