【人情味濃】
30年歷史的ABC餅屋養活了幾代人，經歷兩代話事人的老夥計，對ABC餅屋始終逃不過遷拆結業的命運，均感到依依不捨，捨不得老闆的人情味，希望ABC餅屋重開的一天，有緣再聚。
在ABC負責賣包十年的芬姐昨日忙於應付絡繹不絕的客人，一夫當關，馬上打發長長的人龍。芬姐憶述，當年與解小姐的媽媽並肩作戰，沒有甚麼場面還未經歷過。她說：「嗰陣買包排隊嘅人龍，由餅屋排到出面店外，有時誇張到排到行人電梯天橋下面。」
四年前結志街已被要求收回重建，幸經老闆與巿建局商討後繼續經營，今次真要遷拆，「真係好唔捨得」。
若覓地重開會跟隨
今年36歲的謝燦森從16歲至ABC當學童，一做20年，由森仔做到變森哥，由單身寡仔，做到結婚生女，「囡囡都11歲嘞」。森哥說，老闆一家對員工如一家人，「佢唔只對我好，對我屋企人都好好，好有人情味」。森哥同樣經歷四年前結志街遷拆，更準備轉職馬會餐廳，「點知ABC繼續營業，叫我唔好走，我梗係留低啦」。他續指，今次ABC餅屋若覓地重開，也會選擇跟隨。
《蘋果》記者
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange