【本報訊】62年前、在旺角專營俄羅斯菜的ABC愛皮西大飯店,盛極一時,羅宋湯配上豬仔包,成為西餐icon,客人更要穿上西裝禮服赴宴。70年代,餐廳的山東同鄉股東移民,ABC餐廳全線結業,只剩下中環結志街的ABC餅屋,由第二代掌門接手,一做三十年,延至70後第三代孫女當家,但受重建影響明年中結業。女當家說:「啲ABC糕餅係歷史嚟,我好想承傳落去。」
記者:蔡朗清
解淑菁四年前從爸爸解可仁接手餅屋,是解家第三代傳人。她說,爺爺解純遙是第一代,山東人,因山東跟俄羅斯接近,當年不少人跑到俄羅斯謀生,在俄國餐廳工作,又將俄菜傳回山東,「菜式主要係羅宋湯、豬仔包、燒牛仔髀、炸魚、薯條等」。
40年代,只有17歲爺爺獨自從山東來港在酒樓打工,住板間房,儲了點錢,便買麵粉挑燈做甜圈,早上以擔條挑到尖東天星碼頭賣給老外,每個賣斗零,積少成多,儲了一筆錢,又到米舖買米投資,「嗰陣買米就好似𠵱家買金咁用嚟投資」。
飯店結業 下一代接手做餅
51年,爺爺終於儲足一桶金,與哥哥及其他同鄉在彌敦道近旺角,開設第一間ABC愛皮西大飯店,做山東人熟悉的俄菜;ABC取自當年上海一間ABC餐廳,「ABC用國語講,就變咗愛皮西,所以中文名就叫愛皮西」。
她爺爺的餐廳走高檔路線,餐廳分兩層,樓下是餅店,樓上是餐廳,「客人着晒西裝去食,要講餐桌禮儀,有些人一年聖誕來餐廳食一次,隆而重之。嘟嘟姐鄭裕玲都係座上客」。食家歐陽應齊10歲時曾跟外公到愛皮西大飯店吃飯,他稱到ABC吃飯要正襟危坐,吃餐時要有餐桌禮儀。
解淑菁說,當年ABC愛皮西大飯店十分著名,在彌敦道高峯期有六、七間分店,「除咗ABC餐廳外,爺爺仲開埋雄雞、老大昌、龍記等飯店,都係賣俄羅斯菜」。生意越做越大之際,家人及同鄉股東希望移民加拿大,78年ABC餐廳全線結業,「我爸爸喺ABC糕餅部做過學徒,之後外出打工。ABC結業後,佢接手喺結志街做ABC餅屋」。
餅屋84年經營,一做三十年,其間結志街被巿區重建局收購,「四年前巿建局落實收,爸爸索性退休唔做,我覺得好可惜,同巿建局租番舖嚟做」。四年後的今天,解淑菁收到巿建局通知年底要交舖,幾經交涉才讓她再租幾個月。她說ABC是爺爺與爸爸心血,「我計劃搵其他地方繼續做,將傳統糕餅承傳落去」。
足本收睇《亂噏24》x 鄭中基谷德昭;跟住有新紥師妹楊千嬅駕到!
周一至周五《亂噏24》約定你: http://bit.ly/appletalk24