八和會館主席汪明荃昨日在高山劇場出席八和成立六十年暨第36屆理事會就職典禮，政務司司長林鄭月娥及白雪仙等任主禮嘉賓，陳寶珠和梅雪詩陪同仙姐到場，羅家英與阮兆輝亦有出席，紅線女因腰傷未能到場。
有傳無綫禁藝員北上，要留港拍公司劇，阿姐說：「簽一間公司要遵守合約，𠵱家對公司嚟講係打仗，但點樣揀自己衡量，好似鄭俊弘同黎耀祥都係一路冇放棄先等到機會。」有指阿姐在柯士甸站買樓：「我遞表格啫，未抽到，間屋係用嚟投資，西貢屋企我唔會搬，已經加強保安。」
此外，阿姐前日跟女性友人在銅鑼灣名店試衫，挑選晚裝以紅色為主，相信為無綫台慶作準備，逗留約一小時後離去。
採訪、攝影：溫敏芝、梁繼光
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！