「牛下女車神」李慧詩（Sarah、中）今年先後贏得世錦賽、全運會同東亞運金牌，今日乘勝追擊，出戰世界盃場地單車賽英國曼徹斯特站，香港時間下午先角逐爭先賽初賽，入到決賽就會喺周日凌晨四點半爭冠軍。而聽日轉戰凱林賽，有線仲會現場直播㖭。上屆Sarah包辦呢兩項總冠軍，但今年衞冕就好難，對手除咗中國宿敵郭爽同鍾天使，仲有佔主場之利嘅21歲新星占姆絲，佢喺今年世錦賽爭先賽擊敗Sarah奪金，已被譽為英國下屆奧運奪牌希望；而倫奧冠軍、澳洲30歲老將美亞絲（右）亦都角逐，高手如雲，正好測試Sarah喺壓力下嘅表現。
足本收睇《亂噏24》x鄭中基谷德昭；跟住有新紥師妹楊千嬅駕到！
周一至周五《亂噏24》約定你： http://bit.ly/appletalk24