港視劇《警界線》第一集YouTube點擊破100萬，是一值非常值得高興嘅事，廖啟智噚日下晝喺佐敦請一眾同事食晏。呢餐本應係慶功宴，無奈不獲發牌，如今只能變成一個「聚會」。
不過智叔就講咗段故，就令人好鼓舞。佢話：「前一晚遇到件好感動嘅事，有個中產中年男士同我擦肩而過時，佢叫住我話，想同我握手，多謝我，又話支持我，亦都做咗嗰樣嘢(熄電視)。個名我唔想直接講。市民有咁嘅做法，但企喺自己個角度，矛頭唔應該向住TVB，最終都係政府要面對市民，畀個大家都接受理由，我深信對有興趣投資娛樂嘅人會有影響。」
至於往後有何打算？智叔表示：「隨遇而安，人生去到呢個階段，拼搏同我生活節奏唔協調，要放慢腳步喇! 」
足本收睇《亂噏24》x 鄭中基谷德昭；跟住有新紥師妹楊千嬅駕到！
周一至周五《亂噏24》約定你： http://bit.ly/appletalk24