【本報訊】港人維護動物權益意識日高，惟令人髮指的虐畜案、遺棄動物案仍不時發生。一名不負責任的主人將一隻約六個月大的花貓，遺棄在香港群貓會的土瓜灣會址外，最令人憤怒是花貓被放置在一個密封的紙皮箱內，估計被困長達20小時，群貓會譴責棄貓者無愛心兼無腦，「喺咪要將啲貓仔監生焗死？」該會將翻查閉路電視紀錄，擬報警處理。
記者：張文傑
群貓會facebook專頁上載一幅「棄貓藏紙皮箱」圖片，指有人在土瓜灣會址門外，放置了一個密封的紙皮箱，附上一張寫有「內有貓仔 請照顧 感恩不盡」的字條。群貓會留言透露，開箱後發現真的有貓兒在內，但可能被困太長時間後，當義工一開箱，被困紙皮箱內的貓隻即時避藏於貓舍的隱閉角落，「放咗水同罐罐畀佢，希望快啲搵到佢‥‥‥因未見到貓咪實際模樣，所以未能評估狀況」。
群貓會發言人表示，周三職員離開會址時仍未見有紙皮箱在門外，至前晚約8時才發現紙皮箱，估計貓隻可能被困在箱內20小時，「估計隻貓6個月大，係麻色花貓，可能棄貓者見佢唔再得意就唔要佢，因為貓BB最得意係兩個月至6個月大」。發言人指以前曾試過有一隻老貓被遺棄在會址門外，收留後最終因體弱多病離世。
「係咪要將貓仔監生焗死？」
群貓會在專頁怒斥棄貓者無愛心兼無腦，「𠵱家天氣雖然唔熱，但咁樣包法，係咪要將啲貓仔監生焗死？」該會強調非棄貓垃圾桶，「係，你丟出街嘅貓貓，我哋會盡力幫；係，你斬傷嘅貓貓，我哋會盡力醫；係，你唔再愛嘅貓貓，我哋會盡力愛佢；但咁絕不代表群貓會係棄貓垃圾桶」，又指會翻看閉路電視紀錄，將報警處理，「（棄貓者）唔好諗住拍拍籮柚就走，我哋搵返段片後，絕對會報警」。
足本收睇《亂噏24》x 鄭中基谷德昭；跟住有新紥師妹楊千嬅駕到！
周一至周五《亂噏24》約定你： http://bit.ly/appletalk24