【新加坡直擊】現年39歲的楊采妮（Charlie）今日與43歲新加坡籍男友邱韶智拉埋天窗，將於新加坡聖淘沙灣W酒店舉行婚禮，好友梁詠琪（GiGi）、李心潔、許茹芸、小美、袁詠儀和攝影師夏永康等赴宴，郭富城和張智霖因工作未能到賀。
Charlie昨晚特花約16萬港元包下酒店地下餐廳招呼親友晚膳，並以氣球等佈置，主題為「熱帶南洋風」，一對準新人跟親友晚膳後，Charlie再與好姊妹開婚前派對。昨晚9時40分左右，楊采妮跟助手、經理人等現身舉行婚前派對的餐廳，跟一眾親友會面。
冇接新娘儀式
GiGi、李心潔和擔任伴娘的許茹芸昨晚跟傳媒見面時，李心潔指Charlie昨晚特安排親友晚膳互相認識。問是否跟Charlie開單身派對？GiGi說：「噚晚我哋都傾到好夜，佢好開心同輕鬆。」今日會否有玩新人遊戲？GiGi說：「Charlie想一切從簡，太複雜好似接新娘咁都冇，不過尊重老人家斟茶就會有。」GiGi續說：「全部都會喺酒店進行，所以傳統嘢冇做咁多。」
夏永康昨現身W酒店時，有關方面派出五、六名經理及保安人員接待。而Charlie女助手表示婚禮會以紫色為主題。
袁詠儀及小美昨出發到新加坡，小美指城城因工作未能前往，但已拍了短片祝賀。問城城送甚麼賀禮？小美表示：「係佢哋第一次拍廣告嗰個品牌嘅禮物（該為謝瑞麟）。」
採訪：張俊銘、黃曉妍（香港）
攝影：朱志聰、黃文偉（香港）
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！