王祖藍表弟孖8喺荔枝角開設嘅排舞室噚日開幕，身為表哥嘅祖藍現身撐場，但就冇帶女友李亞男一齊嚟。祖藍話投資會損失，所以都係少搞生意，𠵱家搞製作公司仲好，唔需要太多資金。係咪投資喺李亞男身上抵啲？祖藍話當然喇。啱啱買咗樓嘅祖藍𠵱家裝修緊，至於結婚，佢笑話：「慢慢啦，係咪佢都唔知。」呢句似乎係李亞男講啱啲喎。
撰文：馮仁昭
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！