前晚萬聖節嘩鬼紛紛出籠，除了鐵膽黃夏蕙以「四頭美人」造型出巡外，其他藝人亦樂於扮鬼扮馬投入節日氣氛，當中美女組的何超蓮、Jeana等就似玩cosplay多過玩萬聖節，餅碎組的鄧麗欣（Stephy）、區文詩和Miki就化身鬼新娘，反而男子組就最認真，血淋淋兼畫花臉，嚇人兼核突。
夏蕙BB今年花了五小時化妝，以四頭美人造型到中環蘭桂坊出巡，自稱扮演王昭君的她，前晚與老友雪梨和白韻琹見傳媒，白姐姐見到夏蕙BB嚇人造型即說：「你想嚇死我咩，咁多個頭，我暈呀！」之後夏蕙BB在蘭桂坊被幾十人圍住影相，其間被警察驅趕不准停留，但夏蕙BB做訪問時卻被發現流住鼻涕，鼻水搞到人中位白色一撻撻，她說：「試過有年扮鬼就行衰運，好似上年扮觀音就行好運。」
採訪：譚倩宜
嘩鬼新娘
「餅碎組」的Stephy、Miki和區文詩每年萬聖節都會搞派對，今年吳雨霏因有工作在身缺席，三位餅碎化身做鬼新娘到海洋公園嚇人，Stephy和Miki戴上假髮兼配上嚇人眼妝，真係連阿媽都唔認得！
曉明鬥爛面東
「男子組」來自中港台代表，他們都不介意醜化樣貌，將容貌化到要幾驚有幾驚。黃曉明和柯震東犧牲靚仔樣化萬聖節妝，曉明變《蝙蝠俠》的小丑，柯震東血淋淋look似被打多過扮鬼。本地薑關楚耀的鬼妝在燈光配合下，看起來真的嚇破膽；胡兵也變身魔盜王。
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！