黃淑儀主持的無綫飲食節目《吾淑吾食》昨日在將軍澳電視廣播城錄影，邀請了葉麗儀、倫永亮和葉振棠做嘉賓。上周完結的《May姐有請》中，主持人馮美基（May姐）的「哈哈」笑聲加上雞汁風波，遭網民鬧爆。接棒上陣的黃淑儀，近期亦被網民競猜將會有哪種植入式廣告，因她多年前曾代言濃湯寶，於是被視為熱門商品之一。
據悉，今次節目沒有冠名贊助，故不會像May姐用雞汁般硬銷產品，但因有多個產品贊助，故有機會出現不同類型的植入廣告，包括花生油。
「無謂益濃湯寶」
提到有否接棒的壓力時，黃淑儀說：「冇喎，唔會理，應該係點做我就點做，亦唔會有話硬性規定話要用幾多次，尤其今次贊助我嗰個係花生油，煮親餸都要落油，冇理由白烚咩！但係我唔會係咪都攞支油出嚟，吓吓倒，揚吓個招牌。今次亦都有唔同類型嘅產品贊助，煲煲𦉘𦉘都有，如果佢贊助我，而唔畀我用，我好慘喎，煮嘢都要用㗎，咁都挑剔我就死喇，咁點算？總之我唔會刻意用鏡頭對住個招牌，節目該用就用，該笑就笑，唔會勉強。」問她會否用濃湯寶？她說：「要用我都會用，但係𠵱家唔需要，好似只有一集係用過。」問黃淑儀會否擔心多用贊助產品而被網民改花名？她哈哈笑說：「唔緊要，好呀，有人記得我呀，但係我同濃湯寶約滿咗好耐，無謂益佢呀？成世畀我用就話啫，如果唔係就無謂。」
談到今次節目內容，黃淑儀每一集都有一個主題，請不同類型的嘉賓，邊吃邊傾，她還說：「我哋每次會有湯、有餸、有甜品，今次係煲鴛鴦參湯，即係花旗參同高麗參，因為有藥引嘅問題，所以會問咗中醫師同營養師嘅意見先去煮。
採訪、攝影：何慧斯
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！