【金鐘太古廣場】支持熄電視撐發牌嘅鍾楚紅，前日5點鐘趁住熄電視日，同一名女性友人去咗金鐘太古廣場行街打發時間。戴住黑超、着住3吋高踭鞋嘅紅姑同朋友行咗一陣之後，兩個人就行咗去戲院準備買飛睇戲，其實佢哋冇特別要求，只係但求有飛。不過即場播緊嘅電影好似麥浚龍套《殭屍》，或者湯漢斯嘅《盜海狙擊》（Captain Phillips）唔係滿座就係啲位太側，最後紅姑扁扁嘴之後就同朋友離開。
採訪、攝影：陳辰、吳耀輝
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！