【電視大戰之有權選擇】演藝界前晚不約而同力撐熄電視行動，前晚7時至11時都用其他娛樂代替，港視藝人艾威、郭鋒、陸駿光、陳宇琛和黃美棋等都紛紛支持，即使非港視藝人方力申和無綫藝人陳志健等前晚都響應熄電視，向來收視稱霸的無綫前晚首當其衝大受影響，記者昨日向無綫企業傳訊部查詢前晚收視，拖至晚上才發出收視表，有別以往有劇集首播，翌日中午便急不及待報捷的情況，最初《東張西望》和《愛．回家》跌幅較多，均流失26萬觀眾，但其後《最佳女主角》則沒影響。
對於無綫的收視受影響，前晚往打波的港版半澤陸駿光昨回應：「我哋唔係要整到人哋冇收視，只係想帶出個訊息係觀眾都可以有選擇。」有議員提出下周三立法會大會提出引用《立法會（權力及特權）條例》，要求政府交出審批免費電視牌照文件。陸駿光表示到時必抽空出席，艾威昨也說：「除咗下周三，聽日一連三日我哋都會發起簽名活動。」
冼灝英出街打邊爐
無綫藝人陳志健前晚倒戈，跟冼灝英到九龍城食火鍋撐熄電視，陳志健不擔心無綫秋後算賬說：「我哋唔同台都可以一齊食飯，我贊成呢行多啲良性競爭，製作上會好啲，發牌嘅嘢唔到我哋話事，等政府安排。」港視未獲發牌，鮑起靜昨接受商台訪問時說：「之後有乜行動，我等緊通知，會去支持，覺得政府根本唔需要有咁多顧慮，香港真係消化唔到五個台咩？點解唔可以等市場去決定？」
吳啟華昨日到伊利沙伯醫院宣傳無綫台慶劇《On Call 36小時II》，問到前晚熄電視行動，是網民因撐港視及有見近年電視質素下降，啟華則撐無綫：「我諗唔關𠵱家啲電視台，我作為演員，以前試過拍鄧特希嘅《法網群英》，質素唔差點解你又唔睇？觀眾又係揀番無綫，如果將來畀個牌港視，TVB又播《On Call III》，到時又係睇番TVB，咪又係同亞視冇乜分別？只可以話政府唔啱，唔畀多啲選擇大家。話TVB劇製作唔好，我覺得唔係好公平。港視啲劇一定好過TVB咩？我唔覺一定係囉，到時睇吓點，如果真係畀個牌佢，我諗都係TVB贏多，我唔信港視會贏到TVB！」
採訪：何慧斯
攝影：陳志嵐
足本收睇《亂噏24》x 鄭中基谷德昭；跟住有新紥師妹楊千嬅駕到！
周一至周五《亂噏24》約定你： http://bit.ly/appletalk24