今季利物浦唔單止要染指英超冠軍，更不惜出動美人計俘虜球迷，似乎連球迷嘅心都要贏盡。近日利物浦重鎊收購咗前世界小姐冠軍露珊娜（Rosanna Davison），作為官方電視台（LFC TV）嘅主持（圖），比起大部份球會如曼聯同車路士等，用名宿或前球員去同球迷互動，用美女的確係事半功倍嘅妙計；畢竟，異性係相吸嘛。
呢位金髮尤物來頭不少，除咗係愛爾蘭史上第一位世姐，更係第一位世姐為美國版《Playboy》拍寫真（圖），佢仲出生於音樂之家，爸爸係愛爾蘭國寶歌神克利斯迪博夫（Chris De Burgh）。你同我都未必知係何方神聖，不過只要知道佢有首名作叫《Lady in Red》就夠啦，個女着上利記波衫，咪就係Lady in Red囉。Rosanna都話自己係紅軍粉絲，除咗利物浦，冇任何球隊會令佢感到瘋狂。不過佢骨肉勻稱，其他女神都望塵莫及嘅魔鬼身材，深信球迷無論點愛利記，都未必想佢每次亮相都只着波衫。
Rosanne已經為LFC TV錄製咗兩期各30分鐘嘅節目，預計年內播出。「沒有很索，只有更索」，大家又睇下呢位索女會唔會跑出？
文：呂晨
足本收睇《亂噏24》x 鄭中基谷德昭；跟住有新紥師妹楊千嬅駕到！
周一至周五《亂噏24》約定你： http://bit.ly/appletalk24